«Ювентус» бугун яна «Астон Вилла» дарвозабони Эмилиано Мартинеснинг вазияти бўйича Англия клубига мурожаат қилди. Бу ҳақда инсайдер Фабрицио Романо хабар берди.
Манбага кўра, «ПСЖ»нинг Зион Сузуки трансфери барбод бўлганидан сўнг «Астон Вилла» япониялик дарвозабон бўйича музокараларни бошлаган. Сузуки аввалроқ Париж клубига ўтишга яқин турганди.
Шу билан бирга, «Ювентус» дарвозабон позицияси учун Мартинес, «Манчестер Сити» вакили Эдерсон ва «Тоттенҳэм» дарвозабони Гуглиелмо Викарио номзодларини кўриб чиқмоқда.
Маълумот учун, «Ювентус» аввалроқ Мартинес трансферидан воз кечгани ҳақида хабарлар тарқалганди. Бироқ Турин клуби аргентиналик дарвозабон масаласига яна қайтган.
