«Арсенал» клуби яримҳимоячиси Итан Нванерига Европа грандлари қизиқиш билдирмоқда. Бу ҳақда The Times нашри маълум қилди.
Манбага кўра, «Милан» ва «Боруссия Д» жамоалари 19 ёшли иқтидорли футболчи учун кураш олиб бормоқда.
Шунингдек, «Эвертон», «Фулҳэм» ва «РБ Лейпциг» клублари ҳам қизиқиш билдирмоқда.
Бироқ «тўпчилар» ўз тарбияланувчисини арзонга қўйиб юбормоқчи эмас. Клуб Нванери учун 50 миллион фунт стерлинг талаб қилмоқда.
Маълумот учун, Нванери Лондон клуби асосий жамоаси сафида 51 та учрашувда майдонга тушиб, 10 та гол урган ва 2 та голли узатмага муаллифлик қилган. Тransfermarkt футболчини 35 миллион еврога баҳолайди.
