«Эвертон» клуби «Арсенал» яримҳимоячиси Кристиан Норгорни трансфер қилиш борасида принципиал келишувга эришди. Бу ҳақда The Athletic нашри хабар бермоқда.
Манбага кўра, трансфер суммаси тахминан 8 миллион еврони ташкил этади. Агар битим расман якунланса, даниялик 32 ёшли футболчи келаси ҳафта тиббий кўрикдан ўтади.
Агар келишув тўлиқ якунланса, Кристиан «ирислар»нинг бу ёзги трансферлар ойнасидаги тўртинчи янги футболчиси бўлади. Ундан аввал клуб Хейден Ҳэкни, Тайрик Жорж ва Мерлин Рёл билан шартнома имзолаганди.
Маълумот учун, Норгор ўтган ёзда «Брентфорд»дан 11 миллион евро ҳамда бонуслар эвазига «Арсенал»га ўтган эди. Ўтган мавсум давомида у футболчи барча турнирларда 20 та учрашувда майдонга тушди.
