«Атлетико» ҳужумчиси Хулиан Алварес фаолиятини Англия Премер-лигасида давом эттириши мумкин.
Marca нашрининг маълум қилишича, аргентиналик 26 ёшли футболчига Лондоннинг «Арсенал» клуби жиддий қизиқиш билдирмоқда.
Манбага кўра, «тўпчилар» Алварес учун 100 миллион евро ҳамда ўз ҳужумчиси Виктор Гокерешни ўз ичига олган алмашинув таклифини тайёрламоқда.
Ўз навбатида «Атлетико» раҳбарияти Хулианни сақлаб қолишни истамоқда. Бироқ агар футболчи Испаниядан ташқаридаги клубга ўтмоқчи бўлса, мадридликлар таклифларни кўриб чиқишга тайёр бўлиши мумкин.
Аввалроқ Алварес фаолиятини «Барселона»да давом эттириш истагини билдирган эди. Бироқ «Атлетико» ўз футболчисини каталонияликларга сотиш ниятида эмас.
