Аргентина миллий жамоаси ЖЧ-2026 финалида тарихий антирекорд муаллифига айланди.
Оptа маълумотига кўра, Лионел Скалони шогирдлари Испанияга қарши финалнинг 90 дақиқалик асосий вақтида дарвоза томон бирорта ҳам зарба бермаган илк жамоа бўлди. Бу Жаҳон чемпионати финаллари тарихидаги энг ёмон кўрсаткич ҳисобланади.
АҚШнинг Ист-Ратерфорд шаҳридаги «МеtLifе» стадионида ўтаётган ҳал қилувчи баҳснинг асосий вақти 0:0 ҳисобида якунланди ва жамоалар қўшимча бўлимларга йўл олди.
Қайд этиш жоиз, Аргентина ЖЧ-2026 яримфиналида Англияни 2:1, Испания эса Францияни 2:0 ҳисобида мағлуб этиб финалга чиққанди. Аргентина амалдаги жаҳон чемпиони бўлса, Испания ўз тарихидаги иккинчи мундиал бош соврини учун курашмоқда.
