Бразилия футбол конфедерацияси 2026 йилги жаҳон чемпионатидаги муваффақиятсиз иштирокка қарамай, Карло Анчелоттига ишонч билдиришда давом этади. Бу ҳақда журналист Фабрицио Романо маълум қилди.
Манбага кўра, мамлакат футболи раҳбарлари италиялик мутахассисни бош мураббий лавозимида сақлаб қолишга қарор қилган. Томонлар амалдаги шартнома асосида ҳамкорликни давом эттириш бўйича келишувга эришган.
Хабар қилинишича, айнан Анчелотти Бразилия миллий жамоасини қайта қуриш жараёнига раҳбарлик қилади. Жамоани 2030 йилги жаҳон чемпионатига тайёрлаш вазифасини бажаради.
Эслатиб ўтамиз, Бразилия 2026 йилги жаҳон чемпионатида 1/8 финалгача етиб борди. Бироқ ушбу босқичда Норвегияга (1:2) мағлуб бўлди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади