«Реал» бош мураббийни алмаштириш эҳтимолига тайёргарлик кўрмоқда ва Массимилиано Аллегри ҳамда Маурисио Почеттино номзодларини кўриб чиқмоқда. Бу ҳақда L’Équipe хабар берди.
Маълум қилинишича, жамоанинг ҳозирги устози Алваро Арбелоанинг келажаги ноаниқ бўлиб қолмоқда. Бунга Чемпионлар Лигасидан чиқиб кетиш ва Испания чемпионатида деярли чемпионлик курашини бой бериш сабаб бўлган.
Шу сабабли, мураббийлар штабида ўзгаришлар бўлган тақдирда, «Реал» аллақачон эҳтимолий номзодларни белгилаб қўйган. Асосий вариантлар қаторида «Милан» бош мураббийи Массимилиано Аллегри ва ҳозирда АҚШ миллий жамоасини бошқараётган Маурисио Почеттино бор.
Аввалроқ «Реал» Арбелоа ўрнига тўрт нафар мутахассис номзодини кўриб чиқаётгани маълум қилинганди.
