Саудиянинг «Ал Ҳилол клуби «ПСЖ» форварди Усмон Дембеленинг хизматига жиддий қизиқиб қолди. Бу ҳақда журналист Саша Таволиери хабар берди.
Манбага кўра, Риёд клуби франциялик 29 ёшли футболчини ўз сафига қўшиб олиш бўйича ҳаракатларни бошлашга тайёр. Бироқ Дембеле фаолиятини Яқин Шарқда давом эттиришга розилик бериши керак. Шундан сўнг музокаралар бошланиши мумкин.
Transfermarkt портали маълумотларига кўра, Дембеленинг бозор қиймати 100 миллион евро атрофида баҳоланмоқда.
Футболчининг клуб билан амалдаги шартномаси 2028 йил ёзигача мўлжалланган.
