“Siti” Fernandes transferidan voz kechishi mumkin – manba

“Chelsi” yarimhimoyachisi Enso Fernandesning “Manchester Siti”ga o'tishi masalasi hozircha ochiqligicha qolmoqda.

TEAMtalk ma'lumotiga ko'ra, “shaharliklar” argentinalik 25 yoshli futbolchi uchun 140 million yevro to'lashga tayyor emas.

Fernandesning o'zi “Manchester Siti”ga o'tishga qiziqish bildirgani aytilmoqda. Biroq “Chelsi”ning futbolchi uchun yuqori tovon puli talab qilayotgani kelishuvga asosiy to'siq bo'lib turibdi. Vaziyatdan kelib chiqib, “ko'klar” Ensoni jamoada saqlab qolishga tayyor.

Ma'lumot uchun, Fernandes o'tgan mavsumda London klubi safida barcha turnirlar doirasida 54 ta uchrashuvda maydonga tushib, 15 ta gol va 7 ta golli uzatma qayd etgan.