«Челси» яримҳимоячиси Энцо Фернандеснинг «Манчестер Сити»га ўтиши масаласи ҳозирча очиқлигича қолмоқда.
TEAMtalk маълумотига кўра, «шаҳарликлар» аргентиналик 25 ёшли футболчи учун 140 миллион евро тўлашга тайёр эмас.
Фернандеснинг ўзи «Манчестер Сити»га ўтишга қизиқиш билдиргани айтилмоқда. Бироқ «Челси»нинг футболчи учун юқори товон пули талаб қилаётгани келишувга асосий тўсиқ бўлиб турибди. Вазиятдан келиб чиқиб, «кўклар» Энцони жамоада сақлаб қолишга тайёр.
Маълумот учун, Фернандес ўтган мавсумда Лондон клуби сафида барча турнирлар доирасида 54 та учрашувда майдонга тушиб, 15 та гол ва 7 та голли узатма қайд этган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади