Испаниялик мутахассиснинг «Манчестер Сити» футболчилари билан хайрлашув жараёни акс этган кадрлар пайдо бўлди. Гвардиола клубни ўн йиллик муваффақиятли фаолиятидан сўнг тарк этган.
Аввалроқ Гвардиоланинг «Манчестер Сити»даги сўнгги икки йилига бағишланган «A Beautiful Obsession» ҳужжатли филми намойиш этилганди. Ундаги энг таъсирли лаҳзалардан бири мураббийнинг футболчилар билан хайрлашув нутқи бўлган.
«Йигитлар, кўп гапирмайман. Якшанба куни «Манчестер Сити» бош мураббийи сифатидаги сўнгги учрашувим бўлади. Сабаби оддий: ишлашда давом этиш учун энергия керак. Аммо қалбимнинг туб-тубида энди менда бундай энергия қолмаганини тушуняпман», — деган Гвардиола.
Шунингдек, испаниялик мутахассис футболчиларга миннатдорлик билдирган ва ўз қарорини расман эълон қилишдан олдин улар бу ҳақда биринчи бўлиб билишга ҳақли эканини таъкидлаган.
Маълумот учун, Пеп Гвардиола «Манчестер Сити»ни 2016 йилдан 2026 йилгача бошқарган. Бу даврда у клуб билан 20 та соврин, жумладан, 6 та Англия чемпионлиги ва Чемпионлар лигаси кубогини қўлга киритган.
Эслатиб ўтамиз, Гвардиоланинг «Манчестер Сити»даги ўрнини Энцо Мареска эгаллаган.
