Пеп Гвардиола 2024 йил декабрида «Ювентус»га қарши Чемпионлар лигаси баҳсидан кейин «Манчестер Сити» футболчиларига шахсий ҳаётидаги ўзгариш ҳақида гапириб берган.
Ушбу ҳолат Prime Video платформасида намойиш этилган «A Beautiful Obsession» ҳужжатли филмида акс этган. «Манчестер Сити» ўша учрашувда «Ювентус»га 0:2 ҳисобида мағлуб бўлган.
Гвардиола кийиниш хонасида футболчиларга мурожаат қилиб, рафиқаси билан ажрашаётганини айтган.
«Йигитлар, сизларга бир нарсани тан олмоқчиман. Мен сайёрадаги энг гўзал аёл билан ажрашяпман. Бу менинг рафиқам, собиқ рафиқам. Мен уни жуда қаттиқ севаман, у ҳам мени севади. Аммо орамиздаги эҳтирос сўнди. Бунинг кўплаб сабаблари бор.
Футболни қандай ўйнайсиз? Шунчаки ўйнаётганингиз учунми ёки ичингизда нимадир борми? Эҳтирос нима? Ҳаётда нима билан шуғулланишингиздан қатъи назар, буни эҳтирос билан бажаринг. Менга яхши футболчилар эмас, эҳтирос билан ўйнайдиган футболчилар керак», — деган Гвардиола.
Маълумот учун, Гвардиола «Манчестер Сити»ни 2016 йилдан 2025 йилгача бошқарган ва клуб билан кўплаб совринларни қўлга киритган.
Эслатиб ўтамиз, «Манчестер Сити» 2024 йил декабрида Чемпионлар лигаси гуруҳ босқичида «Ювентус»га 0:2 ҳисобида мағлуб бўлган.
