Белгиялик яримҳимоячи Кевин Де Брюйне «Манчестер Сити» у билан ҳамкорликни давом эттирмасликка қарор қилганини эшитганида кўз ёшларини тия олмаган. Бу ҳақда «шаҳарликлар» бош мураббийи Пеп Гвардиоланинг клубдаги фаолиятининг сўнгги даврига бағишланган «A Beautiful Obsession» ҳужжатли филмида маълум бўлди. Филм Prime Video платформасида намойиш этилган.
Де Брюйне 2015–2025 йиллар давомида «Манчестер Сити» сафида тўп тепди. Шу вақт ичида у 422 та баҳсда майдонга тушиб, 108 та гол урди ва 177 та голли узатмани амалга оширди.
Маълумот учун, Де Брюйне «Манчестер Сити» билан олти марта Англия чемпиони бўлган. Шунингдек, у икки марта Англия Кубоги ва Суперкубогини, беш марта Лига Кубогини қўлга киритган. Белгиялик футболчи клуб билан Клублар ўртасидаги жаҳон чемпионати ва Чемпионлар лигасида ҳам ғалаба қозонган.
Эслатиб ўтамиз, 35 ёшли Де Брюйне 2025 йил ёзидан буён Италиянинг «Наполи» клубида фаолият юритмоқда.
