«Манчестер Юнайтед» яримҳимоячиси ва жамоа сардори Бруну Фернандеш билан шартномани узайтирмоқчи. Бу ҳақда The Athletic нашри хабар бермоқда.
Аввалроқ футболчига «Галатасарой» қизиқиш билдирган, бироқ манчестерликлар португалияликни сотиш ниятида эмасликларини қатъий таъкидлаган эди. Яримҳимоячининг ўзи ҳам ҳозирги жамоасида қолиш истагини билдирган.
Шунингдек, Фернандешни хорижий клублар учун 57 миллион фунт стерлинг эвазига сотиб олиш имконини берувчи банд ўз кучини йўқотган.
Маълумот учун, яримҳимоячи 2020 йил январ ойидан бери манчестерликлар сафида тўп тепиб келади. Ўтган мавсумда Фернандеш барча мусобақаларни инобатга олганда 37 та ўйинда майдонга тушиб, 9 та гол урди ва 22 та голли узатмани амалга оширди.
Футболчининг клуб билан амалдаги шартномаси 2027 йилнинг ёзига қадар мўлжалланган.
Transfermarkt портали футболчининг актуал трансфер нархини 35 миллион еврога баҳоламоқда.
