«Манчестер Юнайтед» вингери Маркус Рэшфорд АПЛ клубларидан келган учта таклифни рад этди.
28 ёшли футболчи ўтган мавсумни ижара асосида «Барселона»да ўтказиб, жамоасига қайтди. Англиялик футболчи яна ўз тарбия топган клубини тарк этиши кутилганди, аммо унга таклиф қилинган вариантларнинг ҳеч бири маъқул келмади.
Қайд этилишича, Рэшфордга ушбу трансфер ойнаси давомида АПЛнинг бошқа клубларидан учта таклиф келиб тушган. Айни пайтда футболчи бутун эътиборини «Манчестер Юнайтед»га қаратган ва Англия чемпионатидаги бошқа жамоага ўтишни истамаяпти.
Маълумот ўрнида, Маркуснинг «қизил иблислар» билан шартномаси 2028 йил ёзигача амал қилади. Transfermarkt портали унинг нархини 40 миллион евро деб баҳоламоқда.
Аввалроқ Рэшфорднинг янги мавсум «Манчестер Юнайтед»да қайси рақам остида ҳаракат қилиши маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади