«Manchester Yunayted» vingeri Markus Reshford APL klublaridan kelgan uchta taklifni rad etdi.
28 yoshli futbolchi o'tgan mavsumni ijara asosida «Barselona»da o'tkazib, jamoasiga qaytdi. Angliyalik futbolchi yana o'z tarbiya topgan klubini tark etishi kutilgandi, ammo unga taklif qilingan variantlarning hech biri ma'qul kelmadi.
Qayd etilishicha, Reshfordga ushbu transfer oynasi davomida APLning boshqa klublaridan uchta taklif kelib tushgan. Ayni paytda futbolchi butun e'tiborini «Manchester Yunayted»ga qaratgan va Angliya chempionatidagi boshqa jamoaga o'tishni istamayapti.
Ma'lumot o'rnida, Markusning «qizil iblislar» bilan shartnomasi 2028 yil yozigacha amal qiladi. Transfermarkt portali uning narxini 40 million yevro deb baholamoqda.
Avvalroq Reshfordning yangi mavsum «Manchester Yunayted»da qaysi raqam ostida harakat qilishi ma'lum qilingandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi