Serbiya milliy jamoasi mag‘lubiyatli seriyasini yettita bahsga yetkazdi. Millatlar ligasi A divizioni 5-turida Velko Paunovich shogirdlari o‘z maydonida Germaniyaga 1:3 hisobida imkoniyatni boy berdi.
Mazkur bellashuvda Aleksandar Babić 3-daqiqada avtogol muallifiga aylandi. Florian Virts 14-daqiqada hisobni 2:0 ko‘rinishiga keltirdi, 50-daqiqada esa Brayan Gruda nemislarning uchinchi golini urdi. Babić 56-daqiqada o‘z darvozasiga kiritgan to‘pini qisman qopladi.
Serbiya oxirgi marta mart oyi oxirida Saudiya Arabistonini 2:1 hisobida mag‘lub etgan. Shundan buyon jamoa ketma-ket yettita mag‘lubiyat qayd etib, ushbu bahslarda 5 ta gol urdi va 19 ta gol o‘tkazib yubordi.
Germaniya bilan bahsdan keyin Serbiya A divizioni 2-guruhida ochko jamg‘ara olmagan holda so‘nggi o‘rinda bormoqda.
Ma’lumot uchun, ushbu Millatlar ligasi mavsumida Turkiya, Serbiya, Shimoliy Makedoniya, Chexiya va San-Marino beshta turda ham mag‘lub bo‘lgan.
Eslatib o‘tamiz, guruh bosqichining so‘nggi turi oldidan Serbiya hisobida ochko yo‘q.
Muxlislar bu yangilikni Telegram’da muhokama qilmoqda
Izohlar Telegram’da ochiladi