Saudiya Arabistoni milliy jamoasi jahon chempionatlaridagi noxush seriyasini davom ettirdi.
JCH–2026 guruh bosqichi 2-turida Ispaniya milliy jamoasiga 0:4 hisobida mag‘lub bo‘lgan «yashil lochinlar» mundiallar tarixidagi navbatdagi yirik mag‘lubiyatini qabul qilib oldi.
Qayd etilishicha, Saudiya Arabistoni 1994 yildan buyon jahon chempionatiga 7 marta yo‘llanma olgan. Shulardan 5 tasida musobaqada ishtirok etgan jamoa har safar guruh bosqichida kamida 4 to‘p farqi bilan bitta mag‘lubiyat qayd etgan.
Saudiya Arabistoni milliy jamoasining eng yirik mag‘lubiyatlaridan biri 2002 yilgi mundialda Germaniyaga qarshi bahsda kuzatilgan. O‘shanda osiyoliklar 0:8 hisobida imkoniyatni boy bergan edi. Shuningdek, 2018 yilgi jahon chempionatida Rossiyaga 0:5 hisobida mag‘lub bo‘lgan.
Eslatib o‘tamiz, Saudiya Arabistoni avvalgi mundiallarda Ukraina va Fransiya milliy jamoalaridan ham 4 tadan gol o‘tkazib yuborgan.
Ma'lumot uchun, Saudiya Arabistoni milliy jamoasi JCH–2026 guruh bosqichidagi so‘nggi turda Kabo-Verdega qarshi maydonga tushadi.
