Portugaliyalik futbolchi Krishtianu Ronaldu 2022-yilda «Manchester Yunayted»ni tark etgach, «Chelsi»ga o‘tishga yaqin bo‘lgan. Bu haqda The New York Times xabar berdi.
O‘sha paytda London klubini endigina sotib olgan Todd Bouli jamoaga katta nomga ega yulduzni olib kelishni istagan. U Ronalduning agenti Jorge Mendes bilan shaxsan uchrashib, ehtimoliy transferni muhokama qilgan.
Biroq «Chelsi»ning o‘sha paytdagi bosh murabbiyi Tomas Tuhel portugaliyalik futbolchining transferiga qat’iy qarshi chiqqan.
Natijada, Ronaldu «Chelsi»ga o‘tmadi va keyinchalik Saudiya Arabistoni chempionatiga yo‘l oldi. U hozir ham ushbu mamlakatda faoliyatini davom ettirmoqda.
41 yoshli Krishtianu 2023-yildan beri «An Nasr» sharafini himoya qilib kelmoqda. Uning riyodliklar bilan tuzgan shartnomasi 2027-yil 30-iyungacha amal qiladi.
Avvalroq Angliya milliy jamoasining Millatlar ligasi uchun tarkibi ma’lum qilingandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi