Португалиялик футболчи Криштиану Роналду 2022 йилда «Манчестер Юнайтед»ни тарк этгач, «Челси»га ўтишга яқин бўлган. Бу ҳақда The New York Times хабар берди.
Ўша пайтда Лондон клубини эндигина сотиб олган Тодд Боули жамоага катта номга эга юлдузни олиб келишни истаган. У Роналдунинг агенти Жорже Мендеш билан шахсан учрашиб, эҳтимолий трансферни муҳокама қилган.
Бироқ «Челси»нинг ўша пайтдаги бош мураббийи Томас Тухел португалиялик футболчининг трансферига қатъий қарши чиққан.
Натижада, Роналду «Челси»га ўтмади ва кейинчалик Саудия Арабистони чемпионатига йўл олди. У ҳозир ҳам ушбу мамлакатда фаолиятини давом эттирмоқда.
41 ёшли Криштиану 2023 йилдан бери «Ан Наср» шарафини ҳимоя қилиб келмоқда. Унинг риёдликлар билан тузган шартномаси 2027 йил 30 июнга қадар амал қилади.
Аввалроқ Англия миллий жамоасининг Миллатлар Лигаси учун таркиби маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади