«Бавария» раҳбарияти марказий ҳимоячи Ким Мин Жэ билан унинг клубдаги келажаги юзасидан музокара ўтказишни режалаштирмоқда. Бу ҳақда Sport Bild нашри хабар бермоқда.
Манбага кўра, ёзда трансферга номзод сифатида кўрилган жанубий кореялик футболчининг жамоадаги ҳолати сўнгги ҳафталарда сезиларли даражада яхшиланган. Клуб тез орада кореялик футболчи билан учрашиб, унинг келажакдаги ўрни ва режаларини муҳокама қилади. Ҳимоячи Винсан Компани қўл остида яна кўпроқ ўйин амалиётига эга бўла бошлагани клуб раҳбариятининг унга нисбатан муносабатини ўзгартирган.
Ҳозирча бўлажак учрашув янги шартнома имзоланишини англатмайди — томонлар аввало футболчининг клубдаги келажагини муҳокама қилади.
Маълумот учун, Мин Жэ «Бавария»га 2023 йил ёзида «Наполи»дан келиб қўшилган. Унинг Мюнхен клуби билан амалдаги шартномаси 2028 йил ёзигача мўлжалланган. Бу мавсумда барча турнирлар доирасида 6 та майдонга тушган.
