Шахмат бўйича Ўзбекистон миллий жамоасининг 1-тахта ўйинчиси Нодирбек Абдусатторов Самарқандда ўтаётган 46-Бутунжаҳон шахмат олимпиадаси ва жамоанинг муваффақиятли старти ҳақида ўз таассуротлари билан бўлишди.
«Биз кутган кунлар етиб келди, ўз уйимизда шунчалик катта масштабли мусобақани биринчи маротаба қабул қиляпмиз.
Албатта, йигитларимиз учун бу улкан фахр. Биз жамоамиз билан биргаликда чин дилдан ҳаракат қиляпмиз, мана ўзингиз кўриб турибсиз — учта турдан кейин учта ғалаба.
Халқимиз ва Президентимизнинг ишончини оқлаш учун ҳар бир ўйинда бор кучимиз билан ҳаракат қиляпмиз», — деди Абдусатторов.
Аввалроқ Бутунжаҳон шахмат олимпиадасида 3-тур ўйинлари якунланганидан сўнг Ўзбекистон эркаклар жамоаси тўртинчи поғонани банд этиб тургани, аёллар жамоаси эса бешинчи ўринда бораётгани маълум қилинганди.
