Лондоннинг «Арсенал» клуби яримҳимоячи Мартин Субимендининг келажаги борасида бир қарорга келган. Бу ҳақда Football Insider нашри хабар берди.
Манбага кўра, «тўпчилар» испаниялик 27 ёшли футболчини сотиш ҳақида ўйламаяпти.
Аввалроқ Субимендига «Реал» жиддий қизиқиш билдирган. Мадрид клуби қишки трансфер вақтида у бўйича жиддий таклиф билан чиқмоқчи эканлиги хабар қилинганди. Бунга клубнинг Родри бўйича келишувга эриша олмагани сабаб бўлган.
«Арсенал» бош мураббийи Микел Артета келгусидаги режаларига Мартинни киритган. Шу сабаб клуб унинг трансфери ҳақида ўйлагани йўқ.
Маълумот учун, Субименди 2025 йилда «Реал Сосиедад»дан «тўпчилар»га кўчиб ўтган. Унинг Лондон клуби билан амалдаги келишуви 2030 йилнинг ёзига қадар мўлжалланган.
Бу мавсумда у барча турнирлар доирасида 6 та учрашувда майдонга тушиб, 1 та голли узатмани амалга оширди.
