Portugaliya milliy jamoasi hujumchisi Krishtianu Ronaldu 30 kunlik diskvalifikatsiyaga qaramay, noyabr oyidagi xalqaro uchrashuvlarda ishtirok etishi mumkin. Bu haqda Record nashri xabar berdi.
Manbaga ko‘ra, 41 yoshli futbolchiga tayinlangan jazoning 30 kunidan 19 kuni allaqachon o‘talgan. Bu holat intizomiy ish bo‘yicha qabul qilingan qarorda ham ko‘rsatilgan.
Shu tariqa, Ronalduning diskvalifikatsiya muddati 30 oktabr kuni yakunlanadi. Bu esa unga Millatlar ligasi guruh bosqichining qolgan uchrashuvlarida ishtirok etish imkonini beradi.
Ma’lumot uchun, Portugaliya milliy jamoasi 14 noyabr kuni Daniyani qabul qiladi, 17 noyabrda esa Uels mehmoni bo‘ladi. Ronaldu ushbu bahslar uchun milliy jamoa tarkibiga chaqirilishi mumkin.
Avvalroq Portugaliya futbol federatsiyasi Ronalduni 30 kunga diskvalifikatsiya qilgan edi.
Muxlislar bu yangilikni Telegram’da muhokama qilmoqda
Izohlar Telegram’da ochiladi