Португалия миллий жамоаси ҳужумчиси Криштиану Роналду 30 кунлик дисквалификацияга қарамай, ноябр ойидаги халқаро учрашувларда иштирок этиши мумкин. Бу ҳақда Record нашри хабар берди.
Манбага кўра, 41 ёшли футболчига тайинланган жазонинг 30 кунидан 19 куни аллақачон ўталган. Бу ҳолат интизомий иш бўйича қабул қилинган қарорда ҳам кўрсатилган.
Шу тариқа, Роналдунинг дисквалификация муддати 30 октябр куни якунланади. Бу эса унга Миллатлар лигаси гуруҳ босқичининг қолган учрашувларида иштирок этиш имконини беради.
Маълумот учун, Португалия миллий жамоаси 14 ноябр куни Данияни қабул қилади, 17 ноябрда эса Уэлс меҳмони бўлади. Роналду ушбу баҳслар учун миллий жамоа таркибига чақирилиши мумкин.
Аввалроқ Португалия футбол федерацияси Роналдуни 30 кунга дисквалификация қилган эди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади