Португалиялик футболчи Криштиану Роналду янги минерал сув брендига 10 миллион евро сармоя киритди. Бу ҳақда SIC Noticias хабар берди.
Унинг ҳамкори Outeirinho компаниялар гуруҳи ҳам худди шунча маблағ ажратган. Шу тариқа, лойиҳага киритилган умумий инвестиция миқдори 20 миллион еврога етди. Роналдунинг лойиҳадаги улуши 50 фоизни ташкил этади.
Маълум қилинишича, сувни қадоқлаш заводини ишга тушириш, шунингдек, маҳсулотни Португалия ва халқаро бозорларга олиб чиқиш 2027 йил охирига режалаштирилган. Бренд дизайнини ишлаб чиқиш билан Италия студияси шуғулланмоқда.
Outeirinho компанияси лойиҳа орқали бир неча ўнлаб янги иш ўринлари яратилишини кутмоқда. Айни пайтда компания Португалиядаги сув бозорининг 45 фоизини эгаллайди.
Эслатиб ўтамиз, Роналду аввалроқ ҳам минерал сув брендига шерик бўлган. 2023 йил июн ойида Мадридда у ҳаммуассисларидан бири бўлган Ursu9 бренди тақдим этилган эди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади