«Manchester Siti» yarimhimoyachisi Rodri nafaqat «Real», balki «Barselona»ning ham qiziqishlari doirasida bo'lib turibdi. Bu haqda Cadena SER xabar berdi.
«Ko'k-anorranglilar» «shaharliklar» yulduzini o'z safiga qo'shib olishni istamoqda. Biroq hozircha futbolchi kataloniyaliklarga ijobiy javob qaytargani yo'q.
Rodri «Barselona»ga o'tish uchun rozilik bermagan. 30 yoshli futbolchi uchun kurashda «qaymoqranglilar» hamon peshqadam.
Ma'lumot o'rnida, ispan yarimhimoyachining «Manchester Siti» bilan amaldagi shartnomasi kelasi yil yozda yakuniga yetadi. Angliyaga ko'chib o'tishidan oldin futbolchi vatanida «Atletiko» sharafini himoya qilgan.
Avvalroq «Real» Rodri transferi uchun taxminan 50 million yevro taklif qilgani haqida xabar berilgandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi