"Manchester Siti" yarimhimoyachisi Rodri Ernandes klubni tark etish ehtimolini istisno qilmayapti. Bu haqda jurnalist Miguel Serrano xabar berdi.
Manbaga ko'ra, ispaniyalik 30 yoshli futbolchi avvalroq Madridning "Real" klubiga o'tishga tayyor bo'lgan. Biroq hozirgi vaqtda "qaymoqranglilar" uni transfer qilishni rejalashtirmayapti.
Shunga qaramay, vaziyat istalgan paytda o'zgarishi mumkinligi ta'kidlanmoqda. Shu bois Rodrining "Manchester Siti"dan ketishi ehtimoli hali ham saqlanib qolmoqda.
Rodri o'tgan mavsum barcha turnirlarda 33 ta uchrashuvda maydonga tushib, 2 ta gol urdi.
Uning "shaharliklar" bilan amaldagi shartnomasi kelasi yozgacha amal qiladi.
