"Manchester Siti" himoyachisi Ruben Diash jamoani tark etishi mumkin. Bu haqda TransferFeed nashri xabar berdi.
Manbaga ko‘ra, "Arsenal" portugaliyalik futbolchi atrofidagi vaziyatni diqqat bilan kuzatmoqda. "To‘pchilar" jahon chempionatidan so‘ng Diash bo‘yicha rasmiy taklif bilan chiqishga tayyor.
Eslatib o‘tamiz, Ruben 2020 yilda "Benfika"dan 71 million yevro evaziga "Manchester Siti"ga o‘tgan edi. Uning "shaharliklar" bilan hozirgi shartnomasi 2029 yilning 30 iyuniga qadar mo‘ljallangan.
O‘tgan mavsumda u jamoa safida barcha turnirlarda 33 ta o‘yinda maydonga tushib, 2 ta gol urg‘an.
Transfermarkt portali portugaliyalik futbolchining qiymatini 55 million yevroga baholamoqda.
