"Hall Siti" darvozabon Jek Batlendning transferini e'lon qildi.
Angliyalik 32 yoshli kiper "yo'lbarslar" bilan ikki yillik bitim imzoladi. Transferning moliyaviy shartlari esa oshkor qilinmadi. U Shotlandiyaning "Reynjers" klubidan kelib qo'shildi.
Jek "Birminghem Siti" akademiyasi tarbiyalanuvchisi hisoblanadi. Faoliyati davomida u "Stok Siti", "Lids", "Derbi Kaunti", "Kristal Peles" va yana bir qator klublar sharafini himoya qilgan.
Darvozabon 2023 yil yozidan buyon Glazgo klubida o'ynab kelayotgan edi. Shu vaqt ichida u barcha turnirlarda 157 ta uchrashuvda maydonga tushib, 55 marta o'z darvozasini daxlsiz saqlab qolishga muvaffaq bo'ldi.
