"Real" Vinisius Junior bilan shartnomani uzaytirish bo'yicha yangi muzokaralar o'tkazadi. Bu haqda jurnalist Arancha Rodriguez xabar berdi.
Futbolchining amaldagi shartnomasi kelasi yil yozda yakuniga yetadi. Bungacha tomonlar bitimning moliyaviy shartlari bo'yicha kelisha olmagan edi.
Qayd etilishicha, klub shartnoma baribir imzolanishiga ishonmoqda. Braziliyalik vingerning o'zi ham xuddi shunday fikrda. Har ikki tomon ham hamkorlikni davom ettirish niyatida va muzokaralar muvaffaqiyatli yakunlanishiga umid qilmoqda.
Vinisiusning kelajagi shu haftadayoq oydinlashishi mumkin. 26 yoshli futbolchiga "Arsenal" qiziqish bildirmoqda va braziliyalik futbolchi Madridni tark etishga qaror qilsa, uni o'z safiga qo'shib olishni rejalashtirmoqda.
Muxlislar bu yangilikni Telegram’da muhokama qilmoqda
Izohlar Telegram’da ochiladi