Bu haqda The Touchline nashri xabar berdi.
Madrid «Real» klubi vingeri Franko Mastantuono jamoa muxlislarini ishontira olmayapti.
Seshanba kuni «qaymoqlilar» o‘rtoqlik o‘yinida «Leganes»ni mag‘lub etdi (4:1). Manbaning xabariga ko‘ra, yosh argentinalik futbolchi jamoaning uchinchi goliga mualliflik qildi, biroq baribir muxlislar tomonidan keskin tanqidga uchradi.
«Qirollik klubi» muxlislarining aksariyati 18 yoshli futbolchiga bo‘lgan ishonchini butunlay yo‘qotgani aytilmoqda.
Franko Mastantuono «Real»ga o‘tgan yilning yozida Argentinaning «River Pleyt» klubidan o‘tgan edi. So‘nggi paytlarda mish-mishlar futbolchini Portugaliyaning «Benfika» klubiga o‘tishi bilan bog‘lamoqda, shuningdek, «River Pleyt»ga qaytishi mumkinligi haqidagi gaplar ham uchrab turibdi - ikkala holatda ham gap ijara haqida ketmoqda.
