Бу ҳақда The Touchline нашри хабар берди.
Мадрид «Реал» клуби вингери Франко Мастантуоно жамоа мухлисларини ишонтира олмаяпти.
Сешанба куни «қаймоқлилар» ўртоқлик ўйинида «Леганес»ни мағлуб этди (4:1). Манбанинг хабарига кўра, ёш аргентиналик футболчи жамоанинг учинчи голига муаллифлик қилди, бироқ барибир мухлислар томонидан кескин танқидга учради.
«Қироллик клуби» мухлисларининг аксарияти 18 ёшли футболчига бўлган ишончини бутунлай йўқотгани айтилмоқда.
Франко Мастантуоно «Реал»га ўтган йилнинг ёзида Аргентинанинг «Ривер Плейт» клубидан ўтган эди. Сўнгги пайтларда миш-мишлар футболчини Португалиянинг «Бенфика» клубига ўтиши билан боғламоқда, шунингдек, «Ривер Плейт»га қайтиши мумкинлиги ҳақидаги гаплар ҳам учраб турибди - иккала ҳолатда ҳам гап ижара ҳақида кетмоқда.
