Бу ҳақда pianetamilan.it нашри хабар бермоқда.
«Барселона»нинг собиқ яримҳимоячиси, хорватиялик Ален Халилович клублар бўйлаб саёҳатини давом эттирмоқда. Унинг навбатдаги саргузашти ўзига яхши таниш бўлган Италия чемпионатида содир бўлиши мумкин. Аввалроқ Ален «Милан» шарафини ҳимоя қилишга ҳам улгурган.
Аммо бу сафар гап иккинчи кучли лига - Серия Б ҳақида кетмоқда. Унга «Милан»нинг яна бир собиқ футболчиси Алессандро Неста мураббийлик қилаётган «Авелино» клуби қизиқиш билдирди. У аллақачон «Наполи»нинг собиқ футболчиси Адам Юнасни сотиб олган, ҳозир эса эътиборини Ҳалиловичга қаратган, деб хабар беради pianetamilan.it.
Сўнгги пайтларда Ҳалилович Нидерландия чемпионатида «Фортуна» жамоасида тўп тепган, аммо у ерда ҳам футболчи қўним топгани йўқ.
