«Челси» бош мураббийи Хаби Алонсо қозоғистонлик ҳужумчи Достон Сатпаевнинг «Вестерн Сидней Уондерерс»га қарши ўртоқлик баҳсидаги (6:4) ўйини ҳақидаги фикрлари билан ўртоқлашди.
17 ёшли футболчи 6-дақиқада гол уришга муваффақ бўлди. Бу ўйин Сатпаев учун Лондон жамоаси сафидаги дебют бўлди.
«Мен Достонни ўтган йили Олмаотада ўйнаган вақтлариданоқ билардим. Унинг ўзгача футболчи экани кўриниб турарди. У рақиб дарвозаси олдида хавф туғдира олади. Ҳужумчи билан ёнма-ён жуда яхши ҳаракатланади ва жуда зўр тарзда қанотдан марказга ўтади.
Бу унинг Олмаотадан кўчиб келганидан сўнг клубдаги илк тажрибаси. У ўзини яхши кўрсатди», — дея Алонсонинг сўзларидан иқтибос келтиради журналист Бобби Винсент ўзининг Х ижтимоий тармоғидаги саҳифасида.
Эслатиб ўтамиз, Сатпаев учрашувнинг 63-дақиқасида захирага олинган эди.
