Бу ҳақда Diario AS нашри хабар берди.
Англиянинг «Манчестер Сити» клубининг испаниялик яримҳимоячиси Родри «Пари Сен-Жермен» клубига ўтишга унчалик ҳам ошиқмаяпти.
Париж клуби вакиллари футболчини кўндириш мақсадида Испания миллий жамоаси сардори билан тўғридан-тўғри алоқага чиққан, лекин Diario AS маълумотига кўра, футболчи таклифни рад этган: «Йўқ, раҳмат». 30 ёшли «ПСЖ» қандай шартлар асосида шартнома таклиф қилаётганига қизиқиб ҳам кўрмагани айтилмоқда.
Аввал бир неча бор айтилганидек, Родри фаолиятини Мадриднинг «Реал» клубида давом эттиришни истайди. «Қаймоқранглилар» яқин кунларда инглиз клубига расмий таклиф юбориши кутилмоқда.
Маълумот учун, футболчининг «шаҳарликлар» билан шартномаси 2027 йилда якунига етади ва хавбек янги битим борасида музокаралар ўтказишни истамаяпти.
Мухлислар бу янгиликни Telegram’да муҳокама қилмоқда
Изоҳлар Telegram’да очилади