Франция миллий жамоаси янги бош мураббийи Зинедин Зидан жамоа футболчилари дуч келган ирқчилик ҳақоратлари ҳақида гапирди.
«Ирқчилик ҳақида гапирадиган бўлсак, балки биз вазиятни ўзгартира олмасмиз. Аммо биз ҳамма буткул турлича бўлган ажойиб мамлакатда истиқомат қиламиз. Мен ҳамма учун жой топиладиган туманда ўсганман. Ҳаётим шундан иборат – мен барча билан мулоқот қилишим мумкин. Биз ирқчиликка қарши курашишимиз зарур, биз шунга ҳаракат қиляпмиз», – дея Зидан сўзларидан иқтибос келтирди L’Equipe.
Эслатиб ўтамиз, 28 июл куни Франция футбол Федерацияси (FFF) 54 ёшли мутахассис билан жаҳон чемпионати-2030 охиригача мўлжалланган шартнома имзоланганини расман эълон қилди.
Маълумот учун, Зидан Франция миллий жамоасида мураббийлар штаби аъзолари борасида ҳамда Килиан Мбаппе билан қачон суҳбатлашиб олиши ҳақида гапирган эди.
