Бу ҳақда инсайдер Николо Скира хабар берди.
«Ювентус» ва «ПСЖ» ҳужумчи Рандал Коло-Муанининг трансфери бўйича янги музокаралар ўтказади.
Манбага кўра, яқин 36 соат ичида клублар француз футболчисининг трансфери бўйича барча шартларни ҳал қилиш учун тўғридан-тўғри боғланади.
27 ёшли футболчининг ўзи «бянконери» билан 2031 йилнинг ёзигача мўлжалланган шартномани аллақачон келишиб олган. Форвард бу трансфер амалга ошиши учун фаол тарзда ҳаракат қилмоқда ва ниҳоят битим ёпилишини кутмоқда.
Аввалроқ Рандал Коло-Муани Бундеслига ва Саудия Арабистонидан тушган таклифларини рад этган эди.
Маълумот учун, ўтган мавсумда футболчи «Тоттенҳем» клубида ижара асосида ўйнаган бўлса, ўтган йилнинг биринчи ярмида «Ювентус»да ҳам ижара асосида ўйнашга муваффақ бўлди.
