«Real» klubi «Leyptsig» vingeri Yan Diomandga qiziqish bildirmoqda. Bu haqida Bild nashri xabar berdi.
Manbaga ko'ra, Madrid klubi ivuarlik 19 yoshli futbolchi «Bavariya» vingeri Maykl Olisega muqobil variant sifatida ko'rilmoqda.
Manbaga ko'ra, «qaymoqranglilar» Yanning transferi uchun 100 million yevro to'lashga tayyor. Biroq «Leyptsig» rahbariyati futbolchini kamida 120 million yevroga baholamoqda.
Diomand uchun kurashda «Real»ga «Liverpul», «Arsenal», «Manchester Siti» va «PSJ» raqobat qilmoqda. Qayd etilishicha, Parij klubi futbolchining o'zi bilan shaxsiy shartlar bo'yicha kelishuvga erishgan.
Diomand o'tgan mavsum barcha turnirlarda 36 ta uchrashuvda ishtirok etib, 13 ta gol urdi va 10 ta golli uzatmani amalga oshirdi.
Uning «Leyptsig» bilan amaldagi shartnomasi 2030 yilning yoziga qadar mo'ljallangan.
