«Bavariya» o‘zining rasmiy sayti orqali «Ayntraxt» klubidan qanot himoyachisi Nataniel Braun transferini e’lon qildi. Klub 23 yoshli futbolchi bilan 2031-yilning 30-iyuniga qadar shartnoma imzoladi.
Avvalroq Fabritsio Romano Myunxen klubi Braun transferi uchun 55 mln yevro to‘lashi haqida xabar bergandi.
Ma’lumot uchun, Braun 2024-yil yozidan buyon «Ayntraxt» sharafini himoya qilib kelayotgandi. O‘tgan mavsum himoyachi 42 o‘yinda maydonga tushib, 4 ta gol urdi va 6 ta golli uzatma yetkazib berdi. Germaniya milliy jamoasi safida Braun 8 bor maydonga tushdi.
Transfermarkt portali futbolchining aktual transfer narxini 40 mln yevroga baholamoqda.
