Myunxenning «Bavariya» klubi va Germaniya milliy jamoasi yetakchisi Yozua Kimmix shu yoz jamoadan ketishga qarshi emas.
Avvalroq futbolchi o‘zini boshqa chempionatda sinab ko‘rmoqchi ekanligi haqida xabarlar paydo bo‘lgandi.
Kataloniyaning «Barselona» klubi ushbu transferni amalga oshirishi mumkin. Aniqrog‘i «ko‘k-anorranglilar» bosh murabbiyi Xans-Diter Flik xavbekka shaxsan qo‘ng‘iroq qilib, uni Kataloniya klubiga o‘tishga ko‘ndirmoqchi.
Eslatib o‘tamiz, Flik avval ham Germaniya milliy jamoasi va «Bavariya» klubida Kimmix bilan birga ishlagan. Endi esa uni Ispaniyaga chorlamoqda.
