Mundial mezbonlari 2:0 hisobida g‘alaba qozonib, keyingi bosqichga yo‘l oldilar.
Xalqaro futbol federatsiyasi (FIFA) matbuot xizmati o‘tkazilgan bahsning eng yaxshi o‘yinchisi sifatida Meksika milliy jamoasining hujumkor yarimhimoyachisi Xulian Kinonesni tan oldi. Hisobni ochgan vinger ikkinchi golda Raul Ximenesga to‘pni yetkazib berdi.
Qayd etish lozim, Meksika 1986-yildan beri jahon chempionatida ilk bor pley-offning birinchi bosqichidan muvaffaqiyatli o‘tdi.
Eslatib o‘tamiz, mundialning keyingi bosqichida Meksika milliy jamoasi Angliya – Kongo DR o‘yini g‘olibi bilan kuch sinashadi.
