Oʻzbekiston milliy jamoasi sardori Eldor Shomurodovning Kongo DR darvozasiga urgani gol eng chiroyli deb topildi.
31 yoshli forvard oʻyinning 10-daqiqasida jarima maydoniga oshirilgan toʻpga yetib borib, oʻtkir burchak ostida turganiga qaramay, toʻpni parashyut uslubida raqib darvozaboni ustidan oshirib tashlagan va hisobni ochgan edi.
FIFA bu vaziyatga shunday baho berdi: «Santimetrigacha aniq hisoblangan va mukammal ijro etilgan bu gol Oʻzbekistonning jahon chempionatidagi debyutining eng yorqin lahzasi boʻldi».
Eʼtiborliysi, Shomurodovning goli ovoz berishda jahon futboli yulduzlari — Lionel Messi, Kilian Mbappe va Vinisius Juniorning gollarini ham ortda qoldirdi.
Eslatib oʻtamiz, Oʻzbekiston milliy jamoasi guruhda 4-oʻrinni egalladi va turnirni tark etdi.
