AQSH milliy jamoasi bosh murabbiyi Maurisio Pochettino argentinalik hujumchi Lionel Messining jahon chempionati-2026 guruh bosqichida Jazoyirga qarshi o‘yinda (3:0) amalga oshirgan xet-trikiga izoh berib, futbolchining otasini tilga oldi. Pochettino o‘z vaqtida Messi bilan «PSJ» klubida ishlagan. Avvalroq, Messining otasi qattiq betobligi haqida xabar berilgan edi.
«Men Messini qo‘llab-quvvatlamoqchiman, sababi u qiyin vaziyatda qolgan. Men u va uning oilasini Parijdagi davrdan buyon bilaman va ularga eng yaxshi tilaklarimni yo‘llamoqchiman. Men argentinalikman va Leoning Jazoyirga qarshi o‘yini menga yoqdi. Messi haqida yangi nimadir aytish mushkul. Eng yaxshisi. Shunchaki ajoyib, chunki u mundialdagi ilk o‘yindayoq xet-trik rasmiylashtirdi», - deya Pochettino so‘zlaridan iqtibos keltirdi jurnalist Ben Jeykobs.
