«Bayer» Moreyra transferini e'lon qildi

«Lion» vinger Afonso Moreyrani «Bayer»ga sotdi.

Fransiya klubi ma'lum qilishicha, portugaliyalik 21 yoshli futbolchining transfer qiymati bonuslar bilan birga 33,6 million yevrogacha yetishi mumkin. Shundan 4,1 million yevro turli bonuslar ko'rinishida to'lanadi. Shuningdek, «Lion» futbolchining keyingi transferidan 10 foiz ulush oladi.

Moreyra «Bayer» bilan 2031 yilning yozigacha mo'ljallangan shartnoma imzoladi.

Afonso «Sporting»dan ko'chib o'tgach, Liga 1da faqat bir mavsum to'p tepdi. U chempionat doirasida 27 ta o'yinda ishtirok etib, 7 ta golli uzatma amalga oshirdi. Natijada u Endrik bilan birga jamoaning mavsumdagi eng yaxshi assistenti bo'ldi.