АҚШ миллий жамоаси бош мураббийи Маурисио Почеттино аргентиналик ҳужумчи Лионел Мессининг жаҳон чемпионати-2026 гуруҳ босқичида Жазоирга қарши ўйинда (3:0) амалга оширган хет-трикига изоҳ бериб, футболчининг отасини тилга олди. Почеттино ўз вақтида Месси билан «ПСЖ» клубида ишлаган. Аввалроқ, Мессининг отаси қаттиқ бетоблиги ҳақида хабар берилган эди.
«Мен Мессини қўллаб-қувватламоқчиман, сабаби у қийин вазиятда қолган. Мен у ва унинг оиласини Париждаги даврдан буён биламан ва уларга энг яхши тилакларимни йўлламоқчиман. Мен аргентиналикман ва Леонинг Жазоирга қарши ўйини менга ёқди. Месси ҳақида янги нимадир айтиш мушкул. Энг яхшиси. Шунчаки ажойиб, чунки у мундиалдаги илк ўйиндаёқ хет-трик расмийлаштирди», — дея Почеттино сўзларидан иқтибос келтирди журналист Бен Жейкобс.
