Yarimhimoyachi Ksaver Shlager erkin agent sifatida "Leyptsig"dan "Nottinghem Forest"ga o'tdi.
"Ksaver Shlager "Nottinghem Forest" bilan ikki yillik shartnoma imzoladi va bosh murabbiy Oliver Glasner boshchiligidagi jamoaga qo'shilgan ilk futbolchiga aylandi.
Avstriya milliy jamoasi a'zosi bo'lgan yarimhimoyachi "Leyptsig" safida to'rt mavsum to'p tepdi. U 2025/26 yilgi mavsumda jamoa vitse-sardori vazifasini ham bajargan.
Avvalgi mavsumda klub safida 30 ta bahsda maydonga tushgan futbolchi shu yozda bo'lib o'tgan Jahon chempionatida Avstriyaning barcha to'rt o'yinini asosiy tarkibda boshladi. Shu tariqa, uning milliy jamoa safidagi o'yinlari soni 55 taga yetdi.
"Nottinghem Forest"ga o'tishi orqali Shlager u bilan avval "Volfsburg"da ishlagan bosh murabbiy Oliver Glasner bilan yana birlashdi", — deyiladi Angliya Premyer-ligasi klubi xabarida.
"Nottinghem Forest" Avstriya yarimhimoyachisi bilan shartnoma imzoladi
Futbol
24 iyul, 02:29
APL klubi yangi bosh murabbiyga tanish bo'lgan futbolchini o'z safiga qo'shib oldi.
Foto: Nottingham Forest
