«Manchester Yunayted» rahbariyati bosh murabbiy Maykl Kerrikning o‘rnini egallashi mumkin bo‘lgan mutaxassislarni o‘rganishda davom etmoqda. TalkSPORT ma’lumotiga ko‘ra, klub nomzodlar ro‘yxatiga uch nafar murabbiyni kiritgan.
Ular orasida «Bavariya» klubi va Germaniya milliy jamoasining sobiq ustozi Yulian Nagelsmann, «Napoli»ning sobiq bosh murabbiyi Antonio Konte hamda ayni vaqtda «Brayton»ni boshqarayotgan Fabian Hyurtseler bor.
Eslatib o‘tamiz, «Manchester Yunayted» Angliya Premyer-ligasining ushbu mavsumini omadsiz boshladi. Jamoa dastlabki olti turda atigi olti ochko to‘plab, turnir jadvalining 13-pog‘onasida bormoqda.
Ma’lumot uchun, mankunianliklar navbatdagi bahsini safarda «Lids»ga qarshi o‘tkazadi.
