«Manchester Yunayted» «Sanderlend» hujumchisi Brayan Brobbiga qiziqish bildirmoqda. Bu haqda Flashscore xabar berdi.
Manbaga ko‘ra, «Manchester Yunayted» qishki transfer oynasi oldidan 24 yoshli hujumchini kuzatmoqda. «Sanderlend» esa niderlandiyalik futbolchining transfer qiymatini 50 million funt, ya’ni taxminan 58 million yevro deb baholamoqda.
Shu bilan birga, «Sanderlend» Brobbini sotishga ehtiyoj sezmayapti. Futbolchining klub bilan amaldagi shartnomasi 2029 yilning yoziga qadar mo‘ljallangan.
Brobbi ushbu mavsumda barcha turnirlarda 6 ta bahsda maydonga tushib, 3 ta gol urdi. Transfermarkt ma’lumotlariga ko‘ra, niderlandiyalik hujumchining bozor qiymati 40 million yevroni tashkil etadi.
