Joze Mourinyo «Barselona»dagi faoliyati haqida gapirar ekan, u yerda Bobbi Robsonning tarjimoni bo‘lgani haqidagi keng tarqalgan fikrni rad etdi.
Portugaliyalik mutaxassis 1996–2000 yillarda «Barselona» murabbiylar shtabida faoliyat yuritgan. 1996–1997 yillarda esa u ingliz mutaxassisi Bobbi Robsonning tarjimoni bo‘lgani haqida ko‘p bor aytilgan.
«Agar «Barselona»da ingliz tilida erkin gapira oladigan yagona inson men bo‘lgan bo‘lsam, bu tarjimon bo‘lib ishlaganimni anglatmaydi. Men akademik ta’limim tufayli ingliz tilini o‘rganganman. Bobbi Robsonning tarjimoni emas, aksincha, uning yordamchisi bo‘lganman», — dedi Mourinyo Madrid Universal nashriga.
Ma’lumot uchun, Joze Mourinyo 2000 yilda «Benfika» bosh murabbiyi etib tayinlanib, mustaqil murabbiylik faoliyatini boshlagan.
Muxlislar bu yangilikni Telegram’da muhokama qilmoqda
Izohlar Telegram’da ochiladi